O, Were My Love
R
Robert Burns
0
Altın Yaprak
O, were my love yon lilac fair
Wi' purple blossoms to the spring,
And I a bird to shelter there,
When wearied on my little wing.
How I wad mourn when it was torn
By Autumn wild and Winter rude!
But I wad sing on wanton wing
When youthfu May its bloom renew'd.
O, gin my love were yon red rose,
That grows upon the castle wa',
And I mysel a drap o' dew
Into her bonie breast to fa',
O, there, beyond expression blest,
I'd feast on beauty a' the night,
Seal'd on her silk-saft faulds to rest,
Till fley'd awa by Phoebus' light!
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş