The Laddie's Dear Sel'
R
Robert Burns
0
Altın Yaprak
THERE'S a youth in this city, it were a great pity
That he from our lassies should wander awa';
For he's bonie and braw, weel-favor'd witha',
An' his hair has a natural buckle an' a'.
His coat is the hue o' his bonnet sae blue,
His fecket is white as the new-driven snaw;
His hose they are blae, and his shoon like the slae,
And his clear siller buckles, they dazzle us a'.
For beauty and fortune the laddie's been courtin;
Weel-featur'd, weel-tocher'd, weel-mounted an' braw;
But chiefly the siller that gars him gang till her,
The penny's the jewel that beautifies a'.
There's Meg wi' the mailen that fain wad a haen him,
And Susie, wha's daddie was laird o' the Ha';
There's lang-tocher'd Nancy maist fetters his fancy,
But the laddie's dear sel', he loes dearest of a'.
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş