आं बोरायजानो लुबैया

एसेबो दुखु गैया आंहा खौखाबाव दारिया रज' लागि दा रज' खर'नि खानाया मोन लागि दामोन दुखु जायो आंहा लोगो बेनि थाखायसो आंदि समनि गांखंआव सिथाबनानै अरायनि अरायसमनि जुनै बोरायजानो थांगासिनो दों खारखाव-खारसि गेलेनो हानाय नोंआ बोराय जायोबा रंजानो-बेरायनोबो हानाय नोंआ नआवनो थाबाय थानांगोन हार्सिंङै ! गंसे लावथि आरो लेह्राइनाय मोदोमजों गासै थामहिनबा गथाय मुलुगखौनो बिगुर जामखनाय मेगनजों बोराय महराव नुनो मोनगोनदि...! मुलुगा आरो माब्लाबाबो बोराया बेयो अराय लाइमोन अराय सेंग्रा अदेबानि अराय सिखोला बेयो गोदान गाननाय गोदान देलाइनायजों आं बोरायनो लुबैया बेखायनो आंनि बे सेंग्रा आथिं आरो आखाय आरो आंनि बे गोसोखौ नांबाय थागौ आंनो आंनि थंआ रावनिबो जुनै लिरजानाय जायाब्लाबो बिनि थं बैनि थं जेब्लाबो गोसोआव लाबाय थानो लुबैयो आं थै सिथाबफानाय जिख्लाबसे दाइरिजों