आं मोजां मोनबायल' थादों

आं नोंखौ मोजां मोनो मानोना नोंनि महर आरो मुस्रियाव आं नुयो आंनि आयनि सावगारि मिथिंगानि फैलाव फोथार दैमा-दैसाफोराव गोजोमनाय बायदिसिना गाबनि मेथखा। नोंनि गोसो नोंनि गोरबोआ मासे मोसा जायोब्लाबो नुवा खोनाया आङो गेब बारसिनना अरख्रेबजानो गिया जिबौ नुनानै बागदावनाय बादि बागदावा अदेबानि आं नोंखौ गोसो थोखोमाबाय थायो बे बाथ्राखौ आं बुंगोन थैनायनि उनावबो दोंसे खन्थाइ जानानै दा आं बुंनानै लाखानाय जाबाय एबा बियो जों बयबो मिथिखानाय बाथ्रादि [सेक्सपीयेरनि रावैब्ला] जोबनायाव मोजांबा गासैबो मोजां। खें खें दिनै फंसे गाबोन फंसे आंनि लोगोफोरा आंखौ बुंबाय थायो - जामबा, थाब थाब बुंनानै लादोलै नङाब्ला……. आं बुङो- रलै र', मा हाखु-दाखु साना आंनि खर' साजों जुहुद्रुद जुहुद्रुद मानबायलांदों बारआ मोदोम हुब्लिर हुब्लिर बिरबायलांदों बुब्लि आर बिदिन्थाया खुसेरलांबाय थादों आंनि खानाया गुलांबाय थागोन मोदोमा मोनसे समाव रानस्राव जाहैगोन बिदिन्थाजों खुसेरजायै खुसेरजायै गुगालांबाय थागोन देहा हारे भाइ! बेथ' जाखागोन। थेवबो आंनि लोगोफोरा थास्लिमबावो - जारलासो जागोनलै नोंजों