अख्रा गथ' आं

बिमाजों एंख्लाय जानानै बिमाखौ नागारनांनायनिफ्राय बिफानि फाफ्लियाव गराय दाब्रायनो आरोबाव खाफालाव जुफियाखै गोसो देहा रानायनिफ्राय रानानै आंनि थैया दिनै बांसिन दुंखाङो हिमालयनि बर'पआ थोर थोर फावस'यो दायना एबा मेलेरिया अरनायखौ दा मिथिथारलिया आं थेवबो खें खें बारानिफ्राय बारा बारानिफ्राय बारासिन सादों मानोबा अनजालि आं नोंखौ सन्देहल' खालामाखै आं नोंखौ फोथायथारोबो सना नङाबा मानो सोंनो आंलाय हरखि सान नाङा फाङा मा ओंख्रि? मा खालामदों होन्नानै? सना ओरैनो एदाव जेनाखै आङो जाबा दाजा बैसागुनि जौसांआव मुसुरलाय थाद'लाय मेथाइ खन्नानै खेबसे मेट्रिकखौ उथ्रिखालि हार्सानि गलायाव मिस्टि जाहोनायबादि एबार आं रायजोफोरनो ओंखामखौनो जाहोसिगोन ~ आयनायाव नायनो मोनस्लाबै आहुतिनि अर सेराव नोंनि खाफालाव थैनिफ्राय गोजासिन फोथाखौ स्राय लारि लारि बैराथि ललिहोनानै खावब्ला गुरब्लांमोनखौ मोसायै मोसायै मेंग्लि होनानै नोंजों आंजों हर गेजेराव....।