अख्रांजों गेलेबायसै आं
R
Ronjoy Brahma
0
Altın Yaprak
सानसे मोजां सान फैगोन
नों आरो आंनि मोखाङा जोंखांफिनगोन
सुदेम बारआ बारबोगोन जोंनि बारानदा खामसालि
अख्राङा दाउसिनफोरनि गांखंजों बिबार जागोन
आफानि सोन गोग्लैसोनाय माइ दुब्लियाव
रोदोमफिनगोन माइसालि
बैसोमुथिनि समाय
एमफौ एनलाफोरा गावनि फैनाय लामाजों फावसयलांफिनगोन
आरो जोंनि गोदान बाख्रिया थिब थिब बुंफैगोन माइनावजों
बे बुब्लियाव अख्रांजों गेलेबायसै आंनि गोसो
आंनि मेथाइ मोननाय आरो खोमानांनायनि
अख्राङानोल' दोंसे लामा दाउसिनफोरनि
जेराव बिसोर गोसोबादि गांखं फुवारनो हायो
अख्रांनि जाबोर सिबस्रांनो हायो दाउसिनफोरनि गां
अख्राङाव फोजावनो हायो मिलौहाब खौसेथिनि रैसुमै मेथाइ
हाबाब अखोरां
दाउसिन जानो मोनाखिसै आं
मानसि महरै गांसेबो गां मोनाखिसै आं
नाथाय नाथाय सोरोदगासे देहा-सोलेरखौ थिखोनानै
दाबो बिरखांनो लुबैयो नोंनि बे फैलावथियाव
Bu şiiri puanla
Henüz puan verilmemiş