अखोरां सा सा जोमैया खारलांबोला
R
Ronjoy Brahma
0
Altın Yaprak
नोंसोर बबेनिफ्राइ फैदों आरो बबेहाय थांगोन
आं बुंनो हाया अब्लाबो,
आं नायहरबाय थादों
बैसोमुथिनि खर'आव दिदोम गसंनानै।
बिसोर गाव गावनि थांखि फारसे दावबायदों
बेबादिनो आं सानो,
आंबो गोसो जाफायो बिसोरजों दावबायनो;
उदां उदां अखोरां सा सा।
नै जोमै! बुंनो हागोनदा नों?
आं मा लुबैयो बे बुहुम बिखायाव,
आं मा हास्थायो आरो मा नागिरो
नों मिथिथारनाय नङा, जानो हागौ मिथिथारनाय नङा!
नोंसोरबादिनो रानखांनाय दुब्लिखौ फिसिनो
बिफांनि दालायाव बिलाइ रोदोमहोनो
सोमखोर खालामनो लुबैयो आंबो मुलुगखौ,
बे गोहोखौ हागौब्ला नोंसोर आंनोबो होलां।
आंनि आबादारि गोसोआ जांख्रिखाङो
मिथिंगानि थाखाय, मुलुगनि थाखाय
सोमखोर सोमखोर रुमबां रुमबां जानजि खानानै।
Bu şiiri puanla
Henüz puan verilmemiş