अख्रांआ रागा जोंदों
R
Ronjoy Brahma
0
Altın Yaprak
जों अख्रांखौ मैला खालामबाय
गोसायै बिस होस्रिख्रावनानै
आरो जोंनि नांज्लाय खमज्लायखौ बिनो दिन्थिनानै
बेखायनो बियो जोंखौ दिनै रागा जोंदों
बियो जोंखौ दिनै बुथारनो नाजादों
सार अन्थाइ गावनानै
दै बाना दै दाहाराव फोजावनानै
आरो सानदुंआव फोराननानै
बिसार खालामदों बियो जोंनि आखलनि सायाव
सोर्गो नागिरनानै
जों मानसि आरो जिउ जिबिनि गोबां मुं खोमाबाय
बैसोमुथि दा बेयो जोंनि आखायजों बेसेबांदि गाराय जायो
बेखौ जों मिथिरोङा
जों जोंनि उदखारि आखायजों
लाथ्रनो हायै गाव गावनि मान सनमान आरो मुं आरजिबाय
ओंखामनि थाखाय गोबां दामिन आरो खारखाना सोरजिबाय
गोथै बेगें आरो थैजों गोबां सना न' लुबाय
नाथाय अख्रांनि हेंथायै जों सानथ्रहायै बेराम सोरजिबाय
बेखायनो अख्रांआ रागा जोंदों
जों सोर्गोआव थांनो हाया
अख्रांनिफ्राइ बिरबोनाय बारा जोंखौ आख'-फाख' खालामो
बिनि रागाजों लोमजानानै थैयो जोंनि गथ'फोर
सानदुं अखाजों सिजानानै सिरिमोननो रोङै उनदुयो
जायखौ लानानै गोग्गानो हायो बे देहाया
दै बानायाव सानस्रिनो रोङै गोजावलाङो
Bu şiiri puanla
Henüz puan verilmemiş