बिफां गाखोनो सेलाइनाय

सानै गाखो जायालै बे बिफांआव मोनसेल' बायनो गोरलै दालाइ, फारब्रै आखायजोँ गोबा जाया सानैजोँ सेलाइथारनांगोन। दाउज्ला गेसेरनाय लोगो लोगो नोँ सिरि मोन्नायबादिनो, आंबो सिरिमोनदोँ खेबसेनो नोँ गोख्रै खारो आं बारो। हाखराव गाब्रनायनि हिसाब आं खालामनो हाया, अन्थाइयाव सौथुनायनि हिसाब नोँबो गोसोआव लानो हाथारा। खेबसे नोँ दालाइयाव बादिँग्लायो आं नोँखौ थल्थब बोख्लायो, खेबसे आं फिउ मानखोयो नोँ आंखौ स्लद बोख्लायो। आंनि सारामाय नोँ बुखुयो आं खेबसे जेन्नानै थायो, नोँनि गामसाखौ आं बुखुयो नोँ होनबा खेबसे जेनो। थिखिनि मोनसेल' बिफां जिउनि आज्लंनाय थांखि बियो, दालाइ मोनसेल' बेसे गोजोन जागोन आय'! जोबोद सुदेम जाथारगोन बियो। लोगो आं गाखोग्रोनि र' र' नोँ जुदि बुंथारोब्ला, आंबो बुंगोन हां खनसेनो- आं सिगां बिनि उनावसो नोँ। बेखायनो सान हर सेलाइनाय दालाइ मोनसे फांसे बिफांनि।