बिफांखौ बाखोनायो जों
R
Ronjoy Brahma
0
Altın Yaprak
आं सिमांआव मोनसे मुलुग
खामनाय नुबाय,
मथरनि सिङाव बिगोमा
बिगोमानि सैमा आरो मुवा-बेसादफोर
खामफादों अख्रांआव बिरथिंनाय दाउसिनफोरनि गांआबो।
जोमैफोरा लुखुर-लाखार खारै खारै
मोखां सोमहाबो,
बिसोरनि महरा गोसोमनिफ्राइ गोसोमसिन जादों;
हांगारसो जेन।
दा बिलाइ रोदोमनाय बिफांआव गोबानाय एमफौफोरखौ
बोख्लायना गारनानै
बिफांखौ नायनांगोन,
टिभी नायनायबादि गोसो होनानै नायनांगोन।
जों उनदुयो बिफांनि दालायाव
बिफांनि साया आरो बिफांनि सायख्लुमाव,
बिफांनि बिलाइनिफ्राइ बोहैबोनाय
बारनि गांखंआव गोबानानै
बेखायनो बिफांखौ बाखोनायो जों।
हाजोनि थिखिनियाव गाखोनानै बिफांआ
जोंखौ नायहरबाय थायो,
जों बिसोरखौ आज्लंनानै नायहरो।
Bu şiiri puanla
Henüz puan verilmemiş