बुंनो हालिया आं लोगो

आंनि आखायजों मा मा मादि मादि आगर एरखांजाखो नोंनि मेगननि बेलकनियाव गोमो ना गोथां ना गुफुर ना आवजार ना निला फुरस्लां गोमो दाउदै प्रसान्तनि गाब गोसोआव बारनाय जिंगा एबा दाउदै एबा नोरसिं बिबारफोरा माबादि बारग्लांखो सिख्रि गांफोरसो ना एमबु बंग्लानि फेनदा जायख्लं ना जायख्लंबादि दाउज्ला खिंगुर ना लैथोनिल' गाब बुंनो हालिया आं बुंनो हालिया आं लोगो गोथैसालिनि जिबमायाव लेथेर-फेथेर जानानै थानाय बेगेंफोरा दिनै धड़ीखौ दैदेनदों धड़ीया बिदिन्थाखौ फिदिंदों आजोरोम गैयै बिदिन्थाया मैदेरनि महर लायो सुन्दाइजों थै सारद्लानानै नोंनावबो नांबाय मोखांआव आंनावबो नांबाय मोखांआव ट्रय नोगोरनि सिद्लायाव पेरिसआ हब्रा हब्रा गाबो आदैयाव जिलिदजों हमथा जानानै हेलेनआ गाबै गाबै ट्रयनि हांगारजों सोमहाबो मोखां गोसो थोनायनि सल' मोस्रोमनि फिन मैदेरनि हेंथायै दावहानि हांख्राइनाय मोसौ सौलायनानै गं बायनायनि सल' आथिंनिफ्राइ थिखिनिसिम जों दाबो फरायनो हायाखै लुखुर लुखुर बायगर आथिं-आखायनि सल'खौनो बेसे फरायथ्रनो जोबा जोबा बेबादिनो बोसोरबां थांबाय लोगोफोर बेफोरनि महर होनानै आं आगर एरदों फालि दादों आं आगर एरदों आं फालि दादों फालि दादों फालि दादों आगर एरदों आगर एरदों नङा नङा आंनि जिउ सल'आ बेनिनो बिदिन्थिसो