बुंनोथ' हायो गोबां खोथा
R
Ronjoy Brahma
0
Altın Yaprak
बुंनोथ' हायो गोबां खोथा
जाय समफोराव जों सानैजों रायज्लायदोंमोन
खोथा होलायदोंमोन
आरो फाला-बदल गाबलाय मिनिलाय खालामदोंमोन
बैफोरनि सोमोनदै आं बुंनो हायो
सल' खिनथानो बुंलायदोंमोन- खिनथालायदोंमोन
हरखौ सान खालामनानै
बिखा साजों सान अखाफोर हुब्लिरलांदोंमोन
हाजो थिखिनियाव गाखोदोंमोन
नों आंनि फेन बुखुदोंमोन
आं गाखोनो हायाखिसै नोंखौ हमथानानै
गले गले मोखांआव नायबाय थादोंमोन
दाबो सिमांआव नों फैबायथायो- आं नुबायथायो
बैफोरखौ आं बुंनो हायो
हरखौ सोरां खालामना लायोमोन
गोमब्रि फिथाइयाव सांग्रेमा सोनानै
अखाफोर आरो बिजुलिया जेरावखिया थाङा
सावथुनाव जोंखौ रावबो नुवाखिसै
नाथाय जों फाव खालामदोंमोन
गोसोखाङै गोसोखाङै
बुंनोथ' हायो गोबां खोथा
नाथाय मानो बुंनो
से फैसानिबो मुलाम्फा गैलिया बेनि
नोंथ' आरो खाथियाव गैला- मोनफिनबावनो माबोरै
दोरोदलांबाय गोजानाव- मेगनाव बिखुं खालामनानै
जेरावनिफ्राइ गाबै गाबै फैदोंमोन
बैहायनो खुसियै थांफिनबाय- थाहैबाय गोजोनै
Bu şiiri puanla
Henüz puan verilmemiş