बर'नि हाथर्खि नोंसोर

नोंसोर बहा दंहैयो गेदेमाफोर अलंबार हाथर्खि आरो आलारि जानानै? नोंसोर दाबो जोंखौ नायहरो दाबि- जोंनो गियान आरो बोलोखौ होनानै! आय'! नोंसोरो हानजा हानजा खौसे जानानै दावगा बोदोंमोन गियान बेसेबा मिजिं लानानै थांफिनबाय नोंसोर आगान होनानै जेरैबो खोमसिथारमोन जोंनि मुलुगा हरबादि जेरावबो आन्दायदोंमोन जाम्बाबादि बे खोमसिखौ होखारनो थाखायनो गियान बुद्धि थैरोङै सोलोंथाइ होनो खाम जथा सेर्जा जथा जाबख्रिं सिफुंनि देंखोजों आय'! गुरुदेब जोनोम जादोंमोन नोङो बिखा फोरदान फोरदान बेसेबा रुपनाथ सतिस मदाराममोन जलघर क्षितिस रतिमोनहा बेसेबांबा गोसो होदोंमोन गियान फोसावनायाव सुबेदार जादब आरो फोर्लांमोनहा आय'! खोमसिखौ होखार हरदोंमोन गोसोनिफ्राइ इनाय अनागारि सुसिनाय आरो नेवसिनायखौ सै सै मुगैजानायखौ खोमोरनानै बेसेबांबा होलांबाय जिउआव बिहोमाखौ घोरोम रांखान्थि राजखान्थि समाजखान्थि आरो सोलोंथाइ गियान थुलुंगा होनानै बहा थांखो नों दिनै जोंनि गुरुदेब? हनै साना जा जा जाबोगौ आफा फिसा फरायनो नांगौ माबार सिखारदो, जातिखौ माबार दैखांनो मालायजों ज' ज' थाबायनो एना एनिखौ गारज्लायदो। सानफ्रामबो जौजों दुमसुजों खुगाजों जबाय थाब्ला हामा जागोन। माबार सिखां नायहर हनै मा जाखो मुलुग नाङैनो माब्रै उल नांखो नायहरदो गैलिया नोंसोरनि सोलाव खानजायनाया, जोहोलाव-जालिया गथ'फोर जों जोंलाय रावखौबो गिनो थाङा, - गेवलां गेवथां बेसेबां समायना मोदोमफुरु मोदोमफुरु मेथाइ आरो खन्थाइ खबामजों नोंसोर जांख्रिखांदोंमोन आय'! गेदेमाफोर बहा दंहैखो नोंसोरलाइ? बेसेबा खोमसिनिफ्राय सोरांआव लाबोबाय सानस्रि-मुस्रि हाथर्खि अलंबार लाइसि बेसे रंजा गोथाव बै समाव नोंसोर गोसो थोहाबदोंमोन हारिखौ फोथांनो फोजौनो आय'! आंगो बर' बिमाखौ दुलाराइ मुलुगजों सिनायथि होनो इसान नों नोंनि मोनाबिलिया दाबो दं दाबो दं अराय सिखोला जानानै नोङो अबथिरा समा सनायाव थांनोसै सना थांनोसै आं हनै आंखौ थांनो लिंहरबाय होननानै थांबाय बेसे बोलो गोरामोन उमेश नोंथांआ जाथों गिलिरानो जेसे जाया, हानाय मानि बिबान, दागि नोङो थोंगोर गसं- खाफ्रायै जानजिया। बेबादि बुंदोंमोन नोङो नाथाय हायेननि सुफिन नोङो बारग'नो हायाखिसै नुसे नुनानैबो जायखौ हेव सान्दों, सानसे बियो फैगोन फैगोन थैनायादि! आय'! बड'फा नोङो- बेसेबां गाबदोंमोन मेगन आरो बिखानि मोदैजों थानानैबो गैयैबादि हारिया बेसे खोमाना लानांदोंमोन फुंनि नुजागिबि आलायारनखौ आंगो राव हारिमु थुनलाइखौ नुना बेसेबांबा गाबदोंमोन नोङो गेदेमा हारि बर'आ मंगलियान गोगो थै सोमोन्दोनि असे दाबो फरायो आं गेदेमा नोंनि गोसो खाङो आं बर'नि जारिमिन बर'नि मोनथाय हालिया आं सहायनो बर'खौ नाख्रेबनाय बर'खौ दबथायनाय। ग्रिद ग्रिद जांख्रिखां जांख्रिखां बर' माहारि बोराय बेन्थ बयबो जांख्रिखां। दिनै सिबिनाया जोंनि थांखिसै नोंखौ नोंसोर जोंनि हाथर्खि जेब्ला नोंसोरनि उनजों जों दंसै नोंसोर जोंनि अलंबारब्ला जों अरायबो नोंसोरनि उन उन थांगोन नै जोंनि अख्रांनि हाथर्खि अलंबार नोंसोरो दं दाबो जोंनि बिखायाव जोंबाय था आंनि थैयाव नोंसोर गासैनिबो थै आं दाबो खोनायो नीलु मिलौहाब नोंनि गोदै थुलुंगा गारांखौ हनै सानजाहा सोरां साना फैगौ हनै सानजाहा सोरां बोगौ ब्रजेन सुनिल गिरिन राजेन मंगल राखाव बिद्घा अनिल फुखनमोनहा दाबो खिन्थायो दीननाद अनिलमोनहा लेखा बिलाइयाव लिरै लिरै नोंसोरनि गोथार सानस्रि-सान्थौ नोंसोरनि अनसुला गोरबोखौ बेखेवना बाखोनाय बाखोनाय बिजिरनानै दिन्थियो नों थान्दै मुगानि नों सोरबां जोहोलाव नों आखा फाखा निल खोमसिनिफ्राय सोरांथिं बोबोनो नाजाग्रा नों थान्दै कातिन हारिनि गेना दाइनि साजायनाय नंखाय सानलावरिखौ नोङो गोबौ मेलेमजों दिन्थिलांदों लाहारि (सार) प्रजि सबेन डम्बुरु सानजारां कमल आरो रोजा रोजा थान्दै मुंख्लंफोरा बेसेबां जांख्रिखांदोंमोन हारिखौ लानानै हादोद आरो मुलुगखौ सिबिनो दिनै नोंसोर बहा दं गेदेमाफोर? नोंसोर सोर्गोआव आरोबाव गौथुम दाबायदा? गोजोननि सोर्गोआव हादान खुलिनानै? बर' माहारिखौ खौसेआव जथुमनानै नीलुआ दाबो मेथाइ खनो ने? कमला दाबो फावथिना फोरोङोना दारेन सतिसमोननि उन संनानै? जलघर आरो फरसुमोना खन्थाइ लिरोदा दाबो गुरुदेबखौ गोजोन होनो नोंसोर जेरैखि खुसियैनो थायामानो जोंनो सोरांहर गेदेमाफोर दाबाव जोंबो थांगोन मुलुग गिदिं गिदिं सानसे नोंसिनि मुं फोसावनो जेरैबो जोंबो थांगोन अख्रांनि गोजों हाथर्खि जानो हे गेदेमाफोर जोंनि आगोमा जोहोलावफोर सोरांहर सोरांहर जोमै सिंखाव सिंखाव हाथर्खि अलंबार अराय जानानै