थरसे अलंबार
B Bidindra Basumatary
0
Altın Yaprak
1903 माइथाय,
जुन दाननि मोनाबिलि
खोलो खोलो बार बारदों
बर'नि गेजेराव सिरिफैदों
थरसे गोजों अलंबार;
नों आगोमा
बर' बिमानि फिसा
थरसे जोंखोलनाय
अलंबार हाथर्खि,
बुहुमाव नोंखौ लाना
दं जोंहा गोहो
गोग्गानो हानाय,
थुनलाइनि फोथाराव
गोगो बेगर फोना
गाजा ओंखार होना
गोदै फिथाइ थायहोना
सोरजिलांबाय गोथां बिमुं
पद्मस्रि.....!
नोंनि मुंखौ गोसोखांना
नोंनि सोरजिखौ फरायना
साफ्रोम बर' फिसाया
मोन्थों नोंबायदि बिमुं
गोसोआव थुलुंगा खांथों,
थुनलाइनि फोथाराव
गोगो बेगर फोलांना
सोमखोर समायना
आबादथिलि खालामनो |
Bu şiiri puanla
Henüz puan verilmemiş