गामियाव मोनाबिलिनि सुदेम बार

जोमैफोरा जलदा गथ'फोरबादि ओजों-हजों खारद्लायो, जोमैनि सेरजोंनो फालोसे दाउब'फोरखौ आमटेका फारसे बिरलांनाय आं नुहरो। जेब्ला आं गल' नायहरबायदोंमोन हाथर्खि नुजाग्रा उदां अख्रां, आज्लंनानै आंखौ हिमालय हाजोआ नायहरदोंमोन सोनाबनिफ्राइ जाखर जाखर मेगनजों सानआबो नायहरदोंमोन। दैयाव गसंनाय आंनि आथिंआव सथबफैयो हां नागारहां मासे गुमा दाउस्रि जामफैजों गोजावै गोजावै, आं बिखौ हमनानै गारदावब्ला बियो गांखं फोरानानै फाथोबारियाव एब्रेहैदोंमोन। मुलुगनि दाउसिनफोरा गावबागावनि नफारसे बिरलांबायमोन बे समाव, मोनाबिलिनि बारआ थोरसि मानजिग्रा आरे गथ' बुरखायग्रा आयनि आसिफोरबादि आंनि खर'खौ बिलिरलाङो।