गोरबो इसिँनिफ्राइ- 202
R
Ronjoy Brahma
0
Altın Yaprak
बेसेबा गेवलां मोदोमनायजोँ
बारनानै थायो बिबारा,
लोगो आं बेबादिखौनो हास्थायो
बेबादिखौनो हास्थायथारो आं।
जोबोद गोजोन रंजानायजोँ
मोसायो जेरै बिफां-लाइफांआ,
गसाइ बेबादिनो फै नोङो
आंनि सेराव बार जानानै।
सनाथि नोँनि मोखांजोँ
थुब्ला सिँखाव फैथार बिखाखौ,
नै लोगो थादो थादो बेबादिनो
आंखौ आं हमथानो जेरै हायो।
लोगो फोथायबाय आं नोँखौ
रागा जोँख्रुबथारो आं मानोबा,
आंनि मोखांखौ फिदिँगारदो नोङो
फेजेनथारदो आंनि रागा जोँख्रुबनायखौ।
आंनि आथिँखौ बोथ्रोद
नोँनि मेथाइखौ रिँहोनानै,
मेँग्लिथारनाय अलखदनिफ्राइ
आंखौ फोजावगार लैथोआव।
सना आंनि दुगानायखौ नाग्लि
गुरै आखायजोँ बिलिर खर'आव,
दुंब्रुद नोँनि गोरबोखौ लानानै
गोबाख्रब फैथार गोरबोखौ।
मुलुगाव बोहैनानै थायो लैथोआ
जिउ बिखायाव गासैखौबो गोबानानै,
बेबादिनो खालामथारदो आंखौबो
लोगो बेबादिखौनो हास्थारो आं।
10/07/2016
Bu şiiri puanla
Henüz puan verilmemiş