गोरबो इसिँनिफ्राइ- 203
R
Ronjoy Brahma
0
Altın Yaprak
गसाइ नोँनि सोर्जिनायनि गेजेराव
जेराव मिथिँगा,
सुखु-दुखुनि सिमा गेजेराव
जेराव गासैनिबो जायगा।
थांनाय थैनायनि अराय मोखांआव
जोनोम जाफैबाय आं,
गोमोथाव मुलुगनि बिखायाव
गेलेफैबाय रंजाफैबाय आं।
सान हर आंनिनो मोखांजोँ
गाबनाय आरो मिनिनाय,
नंगौ बेफोर मिथिँगानि खान्थिजोँ
नै आरोबाव नोँनिनो मिथिहोनाय।
आंनि मोखांजोँ बार बारलांदोँ
आरो आंखौबो बिलिरलांबाय,
आंनि मोदोमखौ अखाया फिसिबाय
आरो आं दैसायाव दुगैदोँ।
दिनै बेखायनो आं बुजिबाय
गोसोआव लोरबां गैया आंहा,
गिनाय मेवनाय गैया आंहा
लोगो गोसोखौ आं हमथाथारबाय।
दुखुजोँ दुखु सुखुजोँ सुखु
दुखुथिया आं लोरबां नङा.
गसाइ फैदो आंनि सुखु
दुखुथिया आं सोरबा नङा।
12/07/2016
Bu şiiri puanla
Henüz puan verilmemiş