गोरबो इसिँनिफ्राइ- 204
R
Ronjoy Brahma
0
Altın Yaprak
दिनै मिथिगौ गसाइ मिथिगौ
आनजाद नायदोँ नोङो आंखौ,
गोरोन्थि जाबाय आंनिया
मिथिगौ गसाइ आंनि बुजिनाया।
सिबाय आनजादखौ उथ्रिगारबाय आं
आय' दुगायाखै देरगायाखै,
नोँनि साबायखरा सुदेम खालामो
बिलिरबाय नोङो आगदा आखायजोँ।
गसाइ नोँनि घोरोमखौ होदो
नोँनि सोरांजोँ जेरै नुयो,
गसाइ आंनि मुलुगा खोमसि
आंनि गोरबोआ सोरां आरो मोस्लेद।
बुथार गारदो अख्रा दुनायखौ
आदुवा देहानि लोरबांथिखौ,
लोगो आंनि गोसोआव जिरायदो
गोरबोखौ गोबानानै लादो आंनि।
अर जानानै आवलिहोदो
महर मोनसे खालामदो मिथिनाय,
गसाइ आंखौ गोबाना लादो
थादो आंनि सान्नाय बुजिनायाव।
नै अनसाय जाग्रा लोगो
गेलेदो गेलेनायाव आंजोँ,
आंनि हाबाखौ जाबसिन्ना होदो
गसाइ गेलेदो गेलेनायाव आंजोँ।
12/07/2016
Bu şiiri puanla
Henüz puan verilmemiş