गोरबोनि मेथाइजोँ

उदांस्रिया जेब्ला फैगोन अब्ला रंजानायनि मेथाइजोँ देँखो हगारगोन आं जायोबोला खाब्रां आंनि मोननाय नङा नामा नोँ गोजोननाय? थागोन आं लाजिस्लु मोखां नायना नोँनि गोरबोजोँ गोरबोआव रोजाबना दाबोनोदि दावखोआखै फुंखानि निजोरा बिखायाव दङ रिँखांगोन स'ब्लासो समा । नोँनि खोमायाव आरोबाव खौऔ मोनाबिलि, बेलासि समनि सुफिन रिँखांगोन आय' रिँखांगोन । एसेबांदि साजायबाय आं देँखोनि खबाम जौथाइ नैजिसेयाव दिनै गोरबोआव बे साजायनाया जिउनि दोँसे देँखो निजोरा फुंखानि । बे जोनोमनि दोँसे जागायनाय आरो.. निम कृष्ण सुरानि बारनाय बार बोहैलांगोन आलो आलो सा- सानजा लैथो अखोरांनि ।