गोदान खन्थाइनि जिउ: ब्रजेन्द्र कुमार ब्रह्मनो
R
0
Altın Yaprak
गोथौसिन जिउ सान्थौ गोर्बो इसिँनि
ओँखारबोयो सोदोब खबाम जिउनि इकेबाना,
जेसे फोलावो एसे लावलाङो
अन्नाय गोर्बोनि रुइदोब आखायजोँ,
दुलाराइ मुलुगा गेदेमानि गंसे अख्रां
जेराव गुसेब सिमानि हाबिलास गैया।
दुलाराइ सुबुंनि गोर्बोआव
गेदेमानि गुवार गोर्बोनि सानस्रि
बिलिर फैयो बयनिबो गोर्बोआव,
उन्दुनाय सुबुंनि सुबुंथिखौ
गोख्रै गोख्रैयैनो फोजाफैयो।
गोमोथावसिन गेदेमानि जिउ मोन्दांथिया
सुबुंनि गोर्बोखौ लिरदोदो खालामो,
थुनलाइ बिखा गोर्बो सिंखाव सिंखाव
सुबुंनि मेँनाय गैयै मेगना-
नागिरबायो वेसिस गेदेमानि खन्थाइयाव।
गेदेमानि गोजोँ गोफार सान्थौनि जिलिरा
थ्रोब आंनि गोर्बोआव हाबफैयो,
आंनि गोर्बोआव मिनि खुसि निजोरा बोहैयो
जिरि जिरि दैसा मोनसे।
Bu şiiri puanla
Henüz puan verilmemiş