गोथार सानस्रि जिउआव
R
Ronjoy Brahma
0
Altın Yaprak
गावसोर थांनानै थानो थाखाय जानायबादि
आय आफाया आंखौ फोरोँदोंमोन
ना बेदर जानो
गय फाथै सावसुबनो
आं बेखौनो नागारबाय।
गावसोर जेरैबादि गोजोनो
सावलुन बावलुन सेँग्राफोरा आंखौ फोरोँदोंमोन
बिरि सिगारेड् सोबनो
जौ जुमाय लोँनो
आं बेफोरखौ मुगैबाय।
मानसिबादि मानसि
महर, गोसो, देहा, आखल
लुबैयो गोथार सानस्रि जिउआव,
जोँमा साननि सोरांआव
जेरैबादि लाजियो मोखांआव
गावदां अखाफोर फुर्णिमा
खोमसि हर हार्थखिखौ
लाजियो गावनि गुबुंले जानाय आखलाव।
आंनि आलासि सानसेनि
जोँमा सान सोरांखौ
खुलुमो फुं बेलासि गोरबोआव
आखाय खबजबै मोखांआव,
बरायजाथाव गंग्लायथाव
जोँमा आंनि अखाफोरखौ
नायहरो आं हरफ्रोमबो
मिनिस्लु मिनिस्लु
गोरबोआव सास्रिहर निहोर जिउआव
गोथार सानस्रि जिउआव।
Bu şiiri puanla
Henüz puan verilmemiş