जांख्ला गैयै गोसोआ
R
Ronjoy Brahma
0
Altın Yaprak
जोँ गोजौआव गाखोनो लुबैयो
गाखोनो मोजां मोनो नङा,
नाथाय जांग्ला गैयै गोसोआ
नंगौ गोजौनिफ्राइ दुद्रुफिनो।
समनि गोजाम बिसम्बिफोरखौ
आं बावगारदोँ,
नंगौ आंजोँ दाबो दं थेवबो
बिसम्बियानो आंखौ मोजां मोनो।
दुसिगासे गोरबोनि अख्राखौ,
एबा हलाबगासे गोसोनि मैलाखौ
जोँ दाबो बुथारनो हायाखै-
जुनार बायदि बिजानुआ
दाबो दं दैज्लांनि बाना,
दाबो दं मेसेँनि करान।
बलायगासे सोलेरनि थैयाव
दाबो दं एम्फौ बायदि एम्फौ
सारगारनो हायाखै हावखांगासे नोजोरजोँ।
दा बेयाव आबाद जाया
गोरान आबादारि आखायजोँ,
नोरजिया जोलैनि बेगर
दा बेयाव रोदा सुवा।
राहा दं नाथाय
बबे गोखै बबे गोदै
एबा बबे गोगो बबे गुबुंले सिनायनो।
Bu şiiri puanla
Henüz puan verilmemiş