जानांगौ नोंबो गोसोखाङो आंखौ
R
Ronjoy Brahma
0
Altın Yaprak
दानिया नों आंनो लाइजाम हरबावो
ना आंनो लाइजाम नोंनिसिम हरनो हाबावो
जोंनि लाइजाम रोगाथिंनानै होग्रा
थाखोनि हाइथासिन बेल्दांआबो गथ'-गथायजों
जिउनि मलान दुबियाव हाफामुवासै
मबाइल टेलिपननि सम सफैसेयावनो
नोंनि खौरां मोनासै आं बहा दं
आंनि खौरांखौबो मोनाखै जानांगौ नों
नाथाय गोसोखांनायखौ हले नागारनो हायाखै
आं गोसोखांनायबादिनो
जानांगौ नोंबो गोसोखाङो आंखौ
दिनै आबिर सारलायनायनि सान
सानसे जों सानैजों सारलायदोंमोन बेबादिनो
नाथाय जोंनिया हाब्रुसोमोन
आमाइमोननि नांगोल जांख्रायाव
आरो जोंनि अनलायनायनि मादाव बेनो साबसिनमोन
फाग्लि, बावनो हायोदा आं बै सानखौ?
माब्लाबा रादाब बिलाइ
नङाबा टिभियाव आं बहा माबोरै दं बेखौ फोसावगोन
नुयोबा नों आंनिसिम नोंनि थंखौ हरफिन
Bu şiiri puanla
Henüz puan verilmemiş