जिख्लाबसे लाइजाम: 'रैसुमै'नो 852-885

R Ronjoy Brahma Ronjoy Brahma
0 Altın Yaprak
852 आङो साजायदों दायो समायना नोँनि सावगारि, बिलिर बिलिर आंनि आखायजोँ आजाव जाना अननाय गोरबोजोँ। 853 आं मिथिगौ सना नोँनि नोङो गोख्रैनो गोबाफैयो आंनि, आंनि गोरबो फानजारिनिफ्राय नोङो गोमोरलाङो हाद्रियाव सना। 854 मेगननि थरथिँसे गोगो मोदैया फाराग दिन्थिया नोँनि आंनि नङा नोँखौ बावगारगोन गोसोनि हाया नोँखौ नेवसिनो सोलेरनि। 855 जेबो जाहोन गैया हाबिलानि रिमोनद्ला गोसोनि सायखंआव, - आङो अर, आं मिथिगौ गलि लाङो नोङो आंनि अनहाबनायाव। 856 नोँनि गोसोनि साबिया गोमाना थानायबादि नोङो आंनि गोरबोआव लाजियो गोबानो? अब्लाबो नोङो बार सुफुंहरो। 857 बेसेबां बारलांखो गोजाम बुब्लिफोरा बेनिबो हिसाब आंनि दाइरियाव बेसेबां खबाम आंनि खन्थाइयाव बेनिबो सोदोब आंनि बिखायाव रैसुमै नोँ आंनि।नोँ आंनि। 858 माखौ सानफ्लांना आङो नोँखौ बावनो? माखौ बोजबना आङो नोँखौ गारनो? हायादि नोँनि अनगा एरायनो। 859 दुंब्रुद साननि दिनै लामायाव आं आंनि मेगनखौ हुब्लिरो नाथाय साया माया नङा नोँखौ आं मोकथां नुयो रैसुमै जिउ नोँ आंनि। 860 नोँनि खावलायाव नोजोर गोग्लैयो खुदुमगौ सना अननायजोँ नाथाय सावगारि नोँनि बेयोदि आङो गले गले बिलिरो। 861 खोमसियाव आङो दरजा फांबोला नोङो रायदाव फैयो- आङो नायहर फिनो नुहरा बेसेबा खोमसियाव रिँफैयो खोनाफा माफा रैसुमै। 862 नाथाय आं सिमां नागिरो नोँजोँ रावबो गैयै समाव, सुथुरबायदिथार सिमांनि- सैथो आंनि अनहाबनायाव; सना आबिरनि सिमां फैया। 863 फै आंनि दैसा सेराव नेना थायो रैसुमै खन्थाइयाव, नोँनि सावगारि बोयै बोयै जोँसिन लाङो आंनि मेगना गोसोनि। 864 नोङो लाजिसुलु मिनिसुलु लाङो आंनि मोखांनि आन्दोआव, नोङो आन्दोयै गोमानायनिफ्राय आङो बोदोरसिन जायो गोसोआव सावगारि नायो बिखायाव। 865 आङो रायदाव हरनो हायाखै बेसेबा नोँदि दाबो लाजियो आङो गाबखाङो फंसे रावै- नोँनो होनो हायाखै लाइजामखौ। 866 आङो नेयो नोँनि गाबनायखौ जुलिनि ललिनायजोँ, आङो हास्थायो मिनिनायखौ नोँनि गारां देँखो- नोँनि गुसुथिनि खुदुमनायखौ। 867 आं नुयो जेब्लाबो नुयो नोँनि गुफुं सोलेरखौ, नोँनि मोखांनि गोजोँ रंजानायखौ बोदोर जालाङो आङो नोँनि। 868 जेब्ला बैसागुआव मिथिँगाया देलायो आङो नोँनो फोरमायो- बेसे आंनि मोजां मोन्नायखौ बान्था नोँनो लुफावनो। 869 जोबनायनिल' सानाव नङा सिगां आङो रायदावो- आंनि गुसुं जिउआव थांना थायो नोँनि गोरबोआव। 870 गोदै अनहाबनाय रोसिनि जोँखोल बिदै आङो लोङो गोरबोआव बोहैग्लाबो गोजोँ नोँनि गोरबोआव लामा नागिरो। 871 गोरबोनि मोनसे देरायाव नोङो जेब्लाबो जिरायो मिनिस्लुयै आंनि मेगननि नोजोराव, रैसुमै नोँ आंनि।नोँ आंनि। 872 नोङो बहा जिरायो? आंनि रायदावनाय लाजिनानै, नोँनि जिरायसालि दं गोरबोआव नोँनि सोलेराव सुदेम बार नांनाय नोङो नुयो सना निजोरा बोहैनाय। 873 आं मोजां मोनो, हास्थायो हाबिला दं गोरबोआव आं साजायो मिनिनाय नोँ आंनि साबसिन देरायाव। 874 नोँखौ सिगां लोगो मोनो नोँखौ मोजां मोनो, नोँ आंनि मिथिँगा गाबनाय मिनिनाय दं नोँनाव। 875 नोङो जेब्लाबो समायना नोङो जेब्लाबो आंनि बिखायाव, नोङो आंखौ फोरोँबाय नोँखौ आङो मोजां मोनो। 876 नोङो मिथिया दाबोनो? बेसेबा आं नोँनि सेराव- बारानिफ्राय बारा गोथौ नोँखौ आं हास्थायो। 877 माबोरै आं सोमखोर थागौ नोँ गैयाब्ला आंनि गोरबोआव आं मोन्दाङो आंनि जिउमाया नोङो गोरायै हमथायो आंखौ। 878 नोँखौ गोबानानै आं बुंगौ नोँ आंनि जिउ नोँ आंनि बिखा आंनि गोरबो फोथांग्रा नोँ आंनि जिउ। 879 आं नोँखौ मोजां मोनो नाथाय बे रावआनो गेवा बेसेबां नांथायो आंनि गारमायाव, बेयो मोन्दाङो गोरबोनि। 880 आङो बिजिरखनो हाया जायखौ नोँबो मिथिया, आङो नागिरो नोँनो बुंनो- नाथाय बिनि ओँथियाबोदि गोथौ गोबाव समनि साजायनाय। 881 आं नोँखौ नेयो बेसेबा आरोबाव रोमै रोमै सान नोँनि अखाफोर गावदां महरखौ- जोँ जेब्ला सानैजोँ लोगो मोनो। 882 आंनि गोरबोआ दाबो खारो थांलाय-फैलाय जेबो मेङा, जेब्ला आं नोँनि सेराव नोङो दांग्रोमबा मोनो गोरबोआव। 883 नोङो जेब्लाबो आंनिनो सुखु आरो दुखु सानफ्रोमबो, नोङो आंनि गोरबोआव नोङो आंखौ मिनिसुलु मिनियो। 884 नोङो बुंहां बुंहां मोकथांआव लाजिनायजोँ एब्रेयो गोरबोनि बाथ्रा, आं मिथिगौ साननि रोदाबादि गोसोनि साननाय साथिसारो। 885 बावनो हाया रैसुमै मायनाव जिउ गोरबोनि थुलुंगा नोँ आंनि खन्थाइ माला आंनि गोगो हांनि खबाम।

Bu şiire çeviri ekle ·

Bu şiiri puanla

Henüz puan verilmemiş

Yıldıza dokunarak 1–10 arası puan ver

Yorumlar

Yorum yapmak için giriş yapmalısın.

Giriş yap

Bu şiire henüz yorum yapılmamış. İlk sen ol.

Sana daha iyi bir okuma deneyimi sunabilmek için sitemizde çerez kullanıyoruz. Kişisel verilerin KVKK ve GDPR kapsamında işlenir; hangi çerezlere izin verdiğini dilediğin zaman değiştirebilirsin.