थैजों लिरजानाय दोंसे खन्थाइ

नङाब्लाबो सोरजिया गोजा आरो खारलिं-खारथिं मोनामनाय रेबगननि खर'खौ गोथों खालामना सानस्रिनि हाब्लां खेंब्लाना लांथिया लेखा बिलाइयाव देलाइहोनो नाजादों रोजाबां सोदोबजों अब्लाबो गोख्रों थैनि खारथाइजोंनो, सोरजिया सोरजिजादों दोंसे खन्थाइ महराव जोनो जोनो उनगोदान थुंग्रि बादि जानो हागौ गोजों नङा। लिरनो साननाय गोसो लिरबाय दिनै बेसेबा गोबावनि उनाव सान गोरलै सोरां रोदा आबिर गानाय खाखोरफोरनि र'ना र'नि मोदै सिला-सिगुनफोरनि बेसेबा ब्लिं-ब्लां सेख्लाबबायदों जिख्लाबसे मोदोमनि सि सहाय हायै सोलेर, नायथावलिया आसुगुरनि खुसेरनायाव ब्रे ब्रे हाइब्रेनाय।। फिसिनाय सैमा-मावजि बेखौनो नुनानै गैया माथो रैखानि सान्दांथि गावसोरबोसो माथो खास्रि-बिस्रि....! दैखोनो हायै उदैखौ लाना उदां-उदां मोनजानायजों फुंगानाय।