खन्थाइ नङा खन्थाइ/ दिनैनि होख्रावनाय
R
0
Altın Yaprak
नारेँ सुनि गोफारसिन जोरआव
आं दानिया बिखा फोर्दानो
गोदानै सनानि मायबां फसंनो
आबौ आबैनि हाखर सिङाव
आजै आजौखौ सावनाय हांगारनि दामोलाव
आं दाबो नागिरो आंखाल गैयै संसार
नाथाय सैथोआ दिनै खारो बालाहामाजोँ
उरांमारि मारि अखोरां साजोँ
दाउखानि गारांआव बेदरनि उखैनायजोँ
बेखायनो मिजिँआ खारो सिमांजोँ
बेखौ होसो होसो गिदिँफिन्नानै
सैथोखौ आं दिनै मिथिबाय
आदामारा दुखारु दाउनि मेथाइयाव
आं जावलिया जाबाय जावलिया जोहोलावबादि
आब' बिरगोस्रिनि थुंग्रि मोन्नानै
आदा बासिराम आरो आब' गाम्बारिनि गराय दाब्रायनानै
आं दानिया नागिरो सुथुरनि आगान
आवलुरि खौऔआ गाबफैयो बोथोर हमनानै
बोथोर जोबब्ला फोर बिरलाङो नुयैयाव
आय' बेसे गोदैमोन बिनि गारांआ?
बुहुम सोरजिनायनि सिमांआ दा दाखासे जोमैयाव
आदा सोमदोन जोँ नोँखौ बावलांबाय!
Bu şiiri puanla
Henüz puan verilmemiş