खन्थाइनि मुं गैयामोन
R
Ronjoy Brahma
0
Altın Yaprak
नोंखौ गोसो थोनानै
दोंसे खन्थाइ लिरदोंमोन आं
"नों खन्थाइ जानायमोनब्ला-"
खबाम गोनां नोंनि राव फाव गासैबो
अखा हानायबायदि नोङो फैदोंमोन
आरो दैज्लांआव-
आं गगा मोननायबादि गगा मोनदोंमोन
गायनाय फुनायनि जोबथा सानाव
नोंजों आंजों हाब्रु सारलायदोंमोन
बेसेबा समायनामोन
थेवबो अखा मोफ्लामलायदोंमोन
सानसेखालि आसारनि सान्दुंआ बांसिनथारमोन
दैज्लां मोनसे बुसावनाय
बिमा दैसानि बालाबारियाव
नों गोमाबाय
अखा हादैनि गांखा थफा जानानै
नोंजों आंजों लोगो मोनलायनाय
लोगो हमलायनायफोरा
खन्थाइ लिरजादोंमोन
खन्थाइनि मुं गैयामोन
नाथाय
दाबो आगान नुयो नोंनि
हागुं बालाबारियाव
बेवनो बेवहायनो
गोदो गोदो
नोंनि मोदैया सिरिगारदोंमोन- सिरिगारदोंमोन।
Bu şiiri puanla
Henüz puan verilmemiş