खुदै ग्रद ग्रद मनयो बोराया
R
Ronjoy Brahma
0
Altın Yaprak
हब हब बैसागुनि गुसु बारजोँ
आयै..... मोदोम फैदोँ
खुदै ग्रद ग्रद मनयो बोराया।
साल्टाब साल्टाब गाबग्रा
आफा खुरखनाय हावाइखौ खुयो
स्रोद जेन' मावजियानोसै-
खुदै ग्रद ग्रद मनयो बोराया।
होम........ सिखाव!
मावजि बुन्दाया.......
आबैया बोरायनि सारामाय हमो
द्रोद द्रोद बोयो
खुदै ग्रद ग्रद मनयो बोराया।
खाबसेल' बुरै खाबसेल'!
साखिनायनो बुरै एसेल'!
खुदै ग्रद ग्रद मनयो बोराया।
बुरैनि दांनाय बिलिरनाय
मल मल मोदोमनाय
मायब्रानि रोसि सौखि सिँनि.....
खुदै ग्रद ग्रद मनयो बोराया।
Bu şiiri puanla
Henüz puan verilmemiş