खुवायाबो दमासि रंजायो
R
Ronjoy Brahma
0
Altın Yaprak
गामि गामि फिथा सिथावनि मोदोमनाय
लारु-बानदारु एनथाब आर सौराइ
जानो हायोबा गोबां जा हायाबा एसेल' जा
मागो-दमासि जोंनि गामिनि सोदोमस्रि।
खुवा खुवा सोरांस्लाबमोनै
नै दाउसिनफोरा सिमलि बिफांआव दमासि रंजादों
खुवायाबो सोरगिदिं गामि मागिदों
देंखो हगारना निहिरआ बाज्लदों थब थब थब
आं लामाजों थाबायनाय समाव
खोमसि खोमसि आमटेकाजों सासे मानसिया हुर साइकेल सलायलांदों
सानदों जानांगौ बिथांआ-
बेदर सेरसे मोनोखोमा। बिबोनां फैगोन गवालफारानि
जानाय-लोंनाय आरो रंजानाय-मोसानाय
बुंनांगौब्ला मागो दमासियाव फ्रि
नाथाय बुलायनो मोना हामा,
जौ फेनानै सैमाफोरजों गाग्लोब जानो हामा।
जोंनि गामियाव देग्लाय सिथाव जाग्रानि सिथाव
सा लोंग्रानि सा गोजा। संख्रिनि मेथाय दाखानि
बाङाइगामिनि आहुजा बक्स
जौ मोनलोङाबा रागा जोंग्राफोरनि गरथसे जौ
जेखियानो जाया। रावबो अमासि दाजा
जोंनि सिद्लायाव मोसाफै
जायाबाबो रोङाब्लाबो बाज्लफै
बोथोरनि मायरंजों सिथाव एनथाब जाफै;
नोंसोर मोसानो फैयाब्ला
आं जोबोद दुखु मोनगोन।
खुवायाबो दमासि मोसायो नोंसोरबो मोसाफै
रंजानाय बोथोरा नोंनि आंनि जों बयनिबो
Bu şiiri puanla
Henüz puan verilmemiş