लाइमोन बैसोनि रमान्टिक

बै समाव नोङो लाजिनो रोङामोन अब्ला नोँखौ आंबो मोजां मोनामोन दिनै नोङो देलायनो रोँगौ बेनिखायनो लाजियो नोङो - नोङो ओरैबादि लाजियोदि दाउसिन-दाउलायाबो उसु-खुथु मोनलायथारो मानोना गावसोर बेबादि देलायनो रोङा निहोरनि दैजोँबो बिसोर दुगैनो रोङा - नाथाय नोँनि लाजिनाया आंखौ बांसिन बोबाय आंखौ बांसिन हायना फोनांबाय जानो हागौ आंखौ हमनो हानायनिफ्राय - नोङो लाजिदोँ खोमा? एबा समायनो थाखायनो नोङो लाजिदोँ खोमा? नोङो मिथिगौ जानो हागौ आं लाजियो मोजां मोन्नायनि थाखायनो - सना रावबो रुजु जाया अखा हादैजोँ दुगैनो रोँगौ नोङो थरथिँसे निहोरजोँबो लुस्र'नो रोँगौ - गलाब बिबारजोँ देलायनो रोँगौ नोङो जोमै फिथरजोँबो देलायनो हागौ सना आं गोमो हाबो फामे नोँ गन्द'राणि नोँ - खोलो खोलो बारजोँनो खानाय खानो नोङो दाउसिननि गारांजोँनो रायज्लायो सना दैसा जाना मिनियो नोङो बिफां-लाइफां जानाबो गंस्रियो - हाबाब सना देलायमांग्रि नोङो समाव अखाफोर नोँनो आंनि समाव हाथर्खि नोँनो आंनि - आंनि बैसोआ बारग'लांब्लाबो आंनि सोलेरा लह्रायलांब्लाबो सना आङो बावनो हाया नैबे समखौ रजे थैब्लाबो थांब्लाबो जुगे जुगे आं नोँखौ बावनो हाया हाया।