लामाफोरा दा मेगन खेवदों

हाद्रिजों गाग्लोबना दोनजानाय जोंनि आखाय थारखानि बारमण्डलआ साव होयै होयै जोंखौ गगा आरो गुजुनायजों फोथैनो नाजायो गोरान बिलाइफोरा गाबो बाराव बिरबायनानै एम्फौ अरजानानै रानलाङो गोरान बारआव दिनै थरनै थरथामसो अखा हानानै जोंनि मिथिंगाखौ गोदान मुस्रि सारफावो गोदान फैसालि नुजायो बालाबगासेनि लामाफोरा मेगन बिसिनानै लामा दावबायारिफोरखौ लेंहरदों गावनि बिखा साजों मेथाइ रोजाब रोजाब जेसे हायो गोजान खारलांनो बिबार बारफुनाय आरो फिथाइ थाइख्रिनायनि बोथोर दिनै सिमलि बंफां मान्दार आरो गामबारिनि माखासे दंबावो खुगायाव फैयै गोगो जाथों फिथाइ अखा बोथोर सफैलायबाय होननानै थांहां फैहां सोरबा ननि खामसालियाव गोजोननाय मोननाय आरो गोजोननाय मोनै गोसोआथ' समान नङा रावहाबो हाद्रिखौ मोजां मोनो सोरबा हाब्रुखौ मोजां मोनो सोरबा सोरबा सान हरखौ मोजां मोनो सोरबा