लामाया हाद्रि जाबाय
R
Ronjoy Brahma
0
Altın Yaprak
मिथिँगाया गोरान जाबाय
बिफां-लाइफां जोबलांनायनि थाखाय,
जिब-जुनारा गैलिया जेराव।
दुखु खालामदोँ दिनै सानैसो
सिबाय मोदै फसरै हाद्रियाव
सानसुमै सुबुं मेलेम जिबिफ्रा।
बहा सिनो गोरान हाद्रि जानाय लामाया?
सानसुमै सानै साथामनि मोदैजोँ
अख्रांनिफ्राय अखा हायाब्ला;
दिनै मिथिँगायाव थानानै मिथिँगाखौ
सोर नागिरदोँ जाम्बा जाम्थानो?
बिफां गायनो रोङाब्ला बिफांखौ
गावखौ देरगाना दानफायखौ-
लामाया हाद्रि जाबाय
सोर बेयो थिफुद्ला जोहोलावआ
जोफुं जोफुं हाद्रियाव दावहा नागिरनो?
हानजा हानजा रौनिया सानस्रिफ्रा
मेगन थानानै मेगन नुवाखै,
लामाया हाद्रि जाबाय
जोफुं जोफुं आरोबाव फोथाराव
खुवा खुवा हाद्रनि गेलेनाय।
अखा हाबा साथा हमनायबादि
दिनै हमनांदोँ सान्दुंआव साथा,
सोलायनाय बेनो मिथिँगानि;
ब्रै बाहागोनि थाम बाहागो दै
थाम बाहागोनि नै बाहागो दैया
मैला जाबाय सुबुंनि देहायाव
गोसोआनो गोरान जाबाय जेब्ला
सोलेरनि थैयानो हाद्रि नांबाय।
लामाया हाद्रि जाबाय
आर'ज खालाम दिनै
मोदै फसर महर दिनै
अखा लेँहर सोर्गोनिफ्राय-
गोजोन जागोन गोसोआ खुसियाव
मिथिँगाया समायगोन,
जोँनि गोसो लामाया सिदोमा जागोन।
Bu şiiri puanla
Henüz puan verilmemiş