फुंबिलि-1
B Bidindra Basumatary
0
Altın Yaprak
मेसेंनि खुवाया बिरबायदों
बुरै दैसानि बिखाजों
सेरनि लामाया जोंथिदों रिथि-रिथा
फुंबिलिनि रुइदोब साननि सोरांआव
सिग्लाबनाय निहिरजों
नोंनि महरखौ नुनो मोनसिनदों
साननि सोरांजों लासै लासै
नों बेसेदि समाइदों
दख'ना फास्राजों दैसानि हाब्रांआव!
मा सानहाबदों बे फुंबिलियाव....
नोंनि समाइना खाफालनि सिन्दुरा
आंनि मेगनाव दा(हरखाबै) रिफिफैदों
समाइसिदों बेसेबा समाइसिनदों
हिन्जाव गोदान महरै
Bu şiiri puanla
Henüz puan verilmemiş