लिरनो आद्रा दंबावो गोबां सल'
R
Ronjoy Brahma
0
Altın Yaprak
लामानि हाद्रि गुन्द्राफोरा बिरथिंबायना
सोरनिबा गस्ला गोदानाव बाबथाबनायखौनो
जोबोद मोजां मोनो
बेखायनो बिसोर मथर खारबोनाय एबा
सोरनिबा आथिं गासोमनायखौनो नेनानै थाबाय थायो
बेनो बिसोरनि जुनिया सम रंजा-बाजा खालामनायनि
आं नाथाय गावखौ हाद्रि गुन्द्राफोरजों रुजुना नायाखै
दासानदि दाखालिसो दुगामारा दिन्थिनाय दैमाफोरा
सिरि सिरि रानलांनो हमदोंसै
नाथाय आंनि बेलायाव बे नङा
आं गावखौनो दुगासिनसो खालामना लानो नाजादों
सम आरो बोथोर जेसेबां थांदों
थांनो होदों आं
एसेबो नांजायाखै
नाथाय लोगोमोननायमानि
आं बिसोरनि थंखौ लिरनानै लाखिदों।
बैफोर सम आरो बोथोरखौनो लोगोआव लानानै
आं गोबां हाजो दावबायदों
गोसोबादिनो गोबां हायेन गिदिंबायदों
गोबां लामा गारबोबाय थादों आं
हाजो हायेनाव लोगो मोननाय आरो
लामा-सामायाव लोगो मोननाय
बिसोरनि दुखु-दाहानि गोबां सल' दंसै आंनाव
बिफां-लाइफांजों रायज्लायबाय आं
हाजो आरो अन्थाइजों रायज्लायबाय आं
दैमा दैसाफोरजोंनो रायज्लायबाय
नाथाय बिसोरनि सल'खौ आं लिरनो हायाखै
बबेखानि आंनिनो गले गले जेनग्लिनायनि
लिरनो आद्रा दंबावो गोबां सल'
Bu şiiri puanla
Henüz puan verilmemiş