मैखि दैलेले आंजोँ दागेले
R
Ronjoy Brahma
0
Altın Yaprak
मेगनाव मोदै लानानै
दाहा आबुं खुगायाव खुदै
नोँ दाफै
बेबादि होन्नानै बुंथारो आं
आंनि लांगोना लांगोना
एबा आंनि बिखाखौ दा नारफै
हाथासि मेगनाव आंनि सोमखोर मिजिँ
आं लुबैयो गुफुर जोमैनि अखा
दाउफ्रि गांखंआव गोबा गोबा सिजानो
सान्दुं-मान्दुं फैफै साया-माया थां
जिउ साहारानि वयेसिस-
नोँ बिबार जानानै बारफै
दा मुरु खेबसेबो दा मोख्रेब
रिउ रिउ गावरेमा गाबब्लाबो
सिउ सिउ बार बारब्लाबो
मानोना मिथिँगाया सुफिन सुयो-
जिउनि जारिमिन सुजुनो
बयखौबो गोबानानै
खाम दामो जोमैया-
गासै मुलुगखौ गोबानो
मेगनाव मोदै लानानै
नोँ दाफै
आंनि बिखाखौ दा नारफै
Bu şiiri puanla
Henüz puan verilmemiş