मेंनो होनो नाङा
R
Ronjoy Brahma
0
Altın Yaprak
खामानि मावनानै मेङो
बेबादिनो जेबो मावलासेनो सानबाय थानानैबो मेङो
देहा आरो गोसो मोननैबो मेङो
नाथाय मेंनो होनो नाङा अराय समनि थाखाय
सिखारनो रोङै नोङो दलर जिरायनानै दाथा
नोंहा मावनांगौ गोबां खामानि दं
नोंखौ लामा नायदों
नोङो सिगांथारनांगोन
थांनायनि लामा दावगालांबाय थानायनि लामा
बेसेबां जेथो जेंना गोनां
नोङो फोसाबनांगोन लामाखौ
रोजा रोजा लोगोफोरनि थाखाय
मेंनो होनो नाङा
नोंखौ मेंनाय नुयोब्ला बिसोरो निरासा जागोन
गोजान थांबावनांगौनि मिजिङा गैया जागोन
दावगानायनि सोलाय उनफिननानै फोरसा फोरसि जागोन
गोसोनि थाखोमानाय बोलोखौ दिहुन
थाखोमानाय साहसखौ दिन्थि
मेंनो होनो नाङा
थु सिगां दावगालां दावगालांबाय था थाद'नाय गैयै
बेफोरनो जागोन बिसोरनि जोबनो गैयै थुलुंगा
जागोन देरहासारनाय बयनिबो थाखाय
Bu şiiri puanla
Henüz puan verilmemiş