मान बावो
R
Ronjoy Brahma
0
Altın Yaprak
नै मुंख्लं जोहोलाव
जोहोलावजोफोर
नोँसोर साफा साफा
इसोरनि थान्दै
बायदि माया गेलेहोनायाव
नोँसोर बर' बिमानि गोरबोआव
जोनोम मोनना
गावखौनो सुबुं माहारिनि
उदांस्रिनि थाखाय
बावसोमलांबाय ।
हारि आरो हादरनि
उदांस्रिनि लामाखौ
नोँसोर दिन्थिलांबाय,
जोँ नोँसोरखौ अरायबो
गोसो खाङो
नोँसोरनि साननाय
नोँसोरनि मावनाय
गासैखौबो गोरबोआव
लानानै अराय
उदांस्रिखौ लाबोनो जोँ जेब्लाबो
आवगायलांगोन ।
नोँसोर सोरगोआव थानानै जोँखौ
अरायबो हेफाजाब हरबायथा;
मुंख्लं सानाव जोँ
नोँसोरनो मान बावो,
आगोमा जोहोलाव
जोहोलावजोफोर
नोँसोर अरायबो देरहासाद ।
जै बर' हारिनि जै
बर'सा देरहासाद ।
Bu şiiri puanla
Henüz puan verilmemiş