नों आंनि जानानैल' था दोरबि सिमां आरो मोखथांनि
R
0
Altın Yaprak
सोर्गो होननाय जेरावबो मोनखानाय नङा आं
लैथोआव लोहाबना मुनि-मुखुथा हिरा दिहुनब्लाबो
ओजों-हजों सिखाव खावनानै किडनि आर सना फानब्लाबो।
आं नोंखौ बेसिदि हास्थायो आरोबाव बुंलिया आङो खुगाजों
अनजालि नों आंनि हां मोनफ्रोम मेथाइ जानानै था दे
एबा नों आंनि गोरबोखौनो लैथो साननानै ना बादि दावबायथा
आंनि गोसोनि बर्गखौनो अख्रां साननानै नोङो दाउबादि
बे सिमनानिफ्राइ बै सिमनासिम गुसुथि साजायनानै बिरबायथा दे
आथिखालआव औवा मेवाबादि नोंनि गोरबोआ जानो हागौ
एबा जानो हागौ उरि गांखंबादि गुरै नोंनि गोरबोआ
बाथ्राफोरखौ आं बुंनो रोङा रोखा एबा सिरि सिरियै
बुंनाय जायो आं नोंखौ ओरैबादि मोजां मोनोदि एखेबारे............
मेगनबादि आंनि गुमायलुं गोसोआ नोंनि गासैखौबो लोमसाव हैबाय
दैमा एबा लैथो अदेबानि लैथोमा जानानै हरखि सान
अखाफोर एबा हाथर्खि जानानै नायनो सानो आं नोंखौ
अखा नङाबा सानदुं जानानै लोगो हमनो सानो आं लामा-सामाआव
नाथाय नोंबा आंखौ मा सानो बुंनो रोंले आं
आंनि गोसोआ गाबो बेवहायनो सानदुं खामजानाय जाहारबादि
अब्ला आंखौ बुरखायबायो बारजों मावखांनाय औवा बिलाइ
सिबाय औवा बिलाइ गावबो जिग' जिग' गाबगासिनोसो दं
आं मिथिगौ दावहा जोबनायनि मेथाइ जायखौ अर्जुनमोननि फिरफिलाआ रोजाबो
फिरफिला नोंखौ लानानैनो आंनि बिखानि जिउनि अननाइ
Bu şiiri puanla
Henüz puan verilmemiş