नोँ आंनि जिउ सना

बहा थायो बबेनिफ्राय रायदावहरो आं नोँखौ सिमांआवल' नुयो, नोँ फैयो सिमांआवनो गेलेफैयो बारसे बिबार खानाय खफायाव जेब्लाबो लाना थाङो (जोबोद खुसिजोँ आङो थुना हरो) । हिमालय हाजोनि फैलाव हायेनाव नोँजोँ संसार जानो सुखु-दुखु, बुरलुंबुथुरनि गोजोन सेरफांआव सारि सारि गय-फाथैनि बारिजोँ गंसे गोजोन देरा लुनो नाजादोँ। आजै-आजौनि थै नांनाय, आबै-आबौनि गोथै हासारजोँ. हासार गोनां बे हायाव सानैजोँ थांना थागोन- मिथिँगानि अन्नायखौ गोबा गोबा। अखा सारै सारै रुम्बां सनास्रि मिनिस्रि माय सबायनि आबाद खालामगोन, लाइ-लाफा-मुलानि मेगं गायगोन, लाव-खुमब्रा-जोगोनाथनि बैसां बानायगोन। सिमाङा गोमालाङो नाथाय नोङो आनज्राय लाङा, नोङो गोबा गोबा खुसियैनो आंनि गोरबोआव थालाङो। हां मोनो आं बार बारोब्ला, जिउ मोनो आं नोँ फैफिनब्लासो, नोँनो आंनि जिउ सना आंनि मोदैया रानलांजासिम।