नोँ आरो आं; जोँ

खाफालखौ बेसेबां दुसिनो लोगो आयनि मोदैयावनो आयनि गोजोमनाय जोँ गोजोन्नो हामारदोँसै? सान हर आयनि हांमा सुरनायजोँ - बोसोरनि उनाव बोसोर जोबोद सान्दुं दुंलांबाय बेजोँ जोँनि थैमोदैजोँ जोँनो ना मावानि रोनावनांबाय जोँ बालाबोथियानि बाबोराबनांबाय - नैजिसे मुगानि हालेव गोदान लामाजोँ अदेबानि मानसि नङैफोरनि आन्थोर बोनाय? एटमनि गुन्द्रासा बिरथिँनाय सिं सिं खेँख्रा-खेँख्रि आगानसो - गोजोनै गोसोखौ बेसेबां बुरखायनो? गब्लं मुदाजोँ हाथर्खि सानै सानै इनजुर गब्लंजोँ उखुन्दै मोनामसुना - खाम दामनायनि सम जाबाय दिखारनि सिफुं सुनो सम सबाय ओंखारबो आंनि लोगोफोर बै मुगानि जाबथुसे सिमांआ खाथियै खाथियै दिनै सुथिगोन - हाजार सुबुंनि थै सिथाबनाय बादामालि खानाय नैबे हायाव दिनै जोँनि मेथाइजोँ गेरेमसा गेरेमसा बिफां रज'गोन।