नों बुंखानाय बाथ्राखौनो आं बुंबाय
R
Ronjoy Brahma
0
Altın Yaprak
फोरला, खुमब्रा आरो लाव बिजौबादि
नोंखौ नुब्लाथाय मानलालाङो आंनि गोसोआ
लेवारजों दा रुजु नों।
गरायजों दा रुजु नों।
फोरला नङा खुमब्रा, लाव बिजौंजोंसो रुजु आंखौ
थाइलिर बिथराइजोंसो रुजु आंखौ
फाइलि फुवारना मोसाग्लांनाय गलाब बिबार
माब्ला जागोन फालाइ गोसोआव थाखोमानाय सिमांआलाइ…..!
" फिसा सिमां नुनाया दाय गोनां। "
ए पि जे आब्दुल कालामआ बुंनायबादिनो
आं जोबोद गेदेर सिमां नुबाय
बेखौनो मानसिफोरा आंखौ बुंसोलायबाय -
हाथर्खि थुख्लायनो होनबा हाथारसिगौ बियो…..!
नाथाय नोंनोथ' बुंदोंमोन लोगो -
उदैनि थाखाय अमानि महर लायो जों
कम्बुकर्णनि उदैखौबो माब्लाबा सोलाव लायो।
नोंनोथ' बुंदोंमोन लोगो -
दै गरथसेनि थाखाय फानफेवालि जायो जों
बालाहामानि उध गाद'नि उदैखौबो सोलाव लायो।
दा बेखायनो नों बुंखानाय बाथ्राखौनो आं बुंबाय -
नों आंखौ नायहर, आं नोंखौ नायहरगोन।
नों हाथर्खि दानसोरां अख्रांनि
आं जाथों थरसे हाथर सरत बोथोरनि। अब्लाबो…..।
Bu şiiri puanla
Henüz puan verilmemiş