नोँबो आंबादिनो

खेबसे मेँबाय आं बोहैगोलाव बोथोरनि हाले हाले मिनिनायजोँ मिनिफानानै - नंगौ, जोमै थुलायाबो बिरै जावै मेङो दान्दिसेनि उनावनो बिसोरबो हाखर मोनसेयाव बाज्रुम फैनाङो - हाथासियाव नागिरनाय जोँगा गोनां गोरबोनि हिराया बबावबा दंहैयो- गोदोगासिनो गोदोयो हमथा हायै साना दोबैनाय बादिसो - मेगननि मोदैया खोमसियावबो सिँखाव सिँखाव नागिरथारो आफा दाउदै सिग्लाबहोनानै - ब्लाव ब्लाव जोँखाङो साल दंफांआव सौदावनानै स्रांगोमा जायो अखाफोरनि सोरांआव नाथाय खुदुमो सालघुना - ग'वा बियो गथारनाय नङा आंनि गाबनायखौ नायै नायैनो बे मिनिगोलाव मिनिनाया गाबनो गोनां जाखाथारगोन - आं खेबसे जेन्नायबायदि बेयो खेबसे जोखोम जाथारगोन आं मेँनाय बादिनो बेयो मेँखाथारगोन।