नोंखौ नुब्ला आंदि मा मा जायोथाय

ओरैनो बुंनाय बाथ्रा नङा बियो आं गावनि गोसोजों होननानै बुंथारो नोंनि मेगन जानायमोनब्ला सयथि सायखनानै होगौमोन नोंखौ गोसो थोखोमाग्रा बिथांखौ आं फोथायगोन फोथाया साननानै लायो अन्थाइसोमोन खोमा आं गोदो बबेबा बिदिन्थाआव आथिखालआव ओंखामनि फोथाराव आंनि आखाय मेगननि मोदैनि सोदोबआ जानो हागौ गोमालाङो फिन फैफिनो आं बुंनो रोङा; सोदोब खोमानानै गावदि बबा जायो सरत बोथोरनि सलाइ सुखांग्रा दाउसिना जेब्ला बिरै बिरै जाहारआव गाबो बाज्लखाङो अरआ जेन रंजादोंसो रंजानाय बोथोर हमनानै आं सानबाय; सिरि थानायानो साबसिन हामबा-दाहाम अथस' खैखायै आङो बुंनो सानबाय बेबो गैया बुंनो थाङोब्ला नोंखौ लोगो मोनै मोनै आंनि लाजिनाया मा मादि महर मोनलांखो बुंलिया आं हास्थायनाय बादि नोंखौ आं सेराव मोननायमोनब्ला आंनि गोसोआव बाथ्रायानो थानाय नङामोन खन्थाइनि थाखाय खन्थाइखौ आजां-गाजां सानो आं जाहारनि फिथाइबादि आं गोसो थोखोमानाय बि सिख्लाया आंखौ लाजिसो गारो