नोँखौ मोजां मोन्नायल' नङा
R
Ronjoy Brahma
0
Altın Yaprak
नोँखौ मोजां मोन्नायल' नङा
आं थैयो नोँनि मेगनाव,
आं थैयो नोँनि हायनायाव,
आं थैयो नोँनि बोजबनायाव।
हां बोयो गुसु बोजबो
गोनांथि मोनफ्रोम आंनि खन्थाइनि
हास्थायो आंनो नोँनि मोजां मोन्नाय।
गासैबो सान्नाय बिखायाव नोँजोँ
आंनि सानस्रियाव नोँनिल' थाखै मुखुब।
नोँखौ मोजां मोन्नायल' नङा
आंनि अबंआ आंखौ मिथिगौ
बबेनिफ्राय नोँखौ हास्थायो,
गुफुर आंनि मोजां मोन्नाया।
नोँजोँनो लोगोसे आं थाबायो
नोँनि बिखानि हांनि बारजोँ।
नोँनि बुंथिया गोदै गोदै
नोँ आंनि समायना गावनि
आं मोन्दांथियो, आं थानो हागोन
थाबाय थाबाय लोगोसे नोँजोँ।
आं मोन्दांथियो, आं सान्नो हागोन
गासैबो गोरबोआव नोँनि थाखायल'।
सना नोँ ओँथिया आं
गासैबो समायना मुलुग मिथिँगा,
नोँनि हायनाया मोदानो
मिनिस्लु मिनिनाया जेब्लाबो बोयो
जोबा आंनि हास्थायनाया
सिमा गैया आंनि लुबैनाया
नोँ आंनि सेर सेर सान्नाय।
Bu şiiri puanla
Henüz puan verilmemiş