नोङो आंखौ गोसोखाङा
R
Ronjoy Brahma
0
Altın Yaprak
गोबाव साननिफ्रायनो रोदा सुथाबबोनाय गोसो गोरबोनि खोथा
नोंखौ मोजां मोनखोमानानै थानायनि खोथा
बुंहां बुङाहाङैनो बुंनाय जायाखिसै
आरोबाव बुंनानै लानायबो जानाय नंलिया
मानोना गासैबो उसुबिदाखौनो आं मोनबाय
नोंथ' गावनि गोसोबादिनो गावनि थांखि फारसे थांगासिनो दं
आं जाबाय लामायाव गसंनानै थानाय फांसे बिफां
सान आरो हर नोंखौनो नेनानै थायो
नों फैयोब्लासो नोंखौ आं नुयो फैयाबा नुनोनो मोना
नोंनि थांलाय-फैलाय खालामनायखौनो मोजां मोनो
जानांगौ नों आंखौ माब्लाबाबो मोजां मोनफेराखै
मेगननि नोजोर आरो गोसो मोननैजोंबो
आंल' गोसोथोनानै मा जानो
दिनै बेखायनो गोसोआव साननाय फैबाय
नोंथ' गोसोबादिनो दोरोदलांबाय थायो
नोंनि फारसे साफिनोनो हाया माथो
साफिनो माबोरै नोंदि आंनि फारसे खेबसेबो नायहराखै
आंनि फारसेबो नोङो दावगाबोआखै गोसोनि खोथा सोंनो
Bu şiiri puanla
Henüz puan verilmemiş