नोंखौसो नेनानै दं आं
R
Ronjoy Brahma
0
Altın Yaprak
जम राजाखौ गियै गियै
थोर थोर गिनायनिफ्रायनो
जोबनाय गैयै बुलेडनि
गंसे फिसटल दंखायो आंहा
बेजों आं नोंखौ गावनाय नङा।
खुगा दं होननानैबो
खोनाथों खोनाथों
नोंखौ सोंखारिनाय नङा आं
अनजालि-
जेरेङा फोथारखौ गोसोखाङाखै आं
आबै देग्लिनि साल सिरि
अन सौग्रा गायहेनखौबो गोसोखाङाखै
आरो मिथिगौ-
आं जेनबाय, जेनबाय आं
बेबादिबो होननानै
एनजर मुलिखौबो नागिराखै
बोरमा मोसौनि दिरुं
एबा मैनागुरिनि सालबिफां
जेखौबो गोसोखाङाखै आं
जेथिंबो गोसो फोलावआखै
नाथाय मिथिगौ-
आं दा आं जानानै
नोंखौसो नेनानै दं आं
नों माब्ला गिदिंफिनगोन
सान मोखाङारि उदांस्रिनिफ्राइ
Bu şiiri puanla
Henüz puan verilmemiş