रैसुमै 19: मोदोमाव फुंनि सान्दुं हांनानै
R
Ronjoy Brahma
0
Altın Yaprak
मोदोमाव फुंनि सान्दुं हांनानै
मिथिँगानि सोरगिदिँ नायहरनानै
आं साजायदोँमोन सोदोब
गोरबोनि रावजोँ सिदोब सिदोब
सानना गोरबोआव दोँसे खन्थाइ
अखोरां सायाव दाखा दाखा
फुरसबदोँमोन जोमै माखा माखा
खाथिनि गय बिफांआव दाउथु
गाब्बायदोँमोन मानैसो जुगु जुगु
दाउसिनफोरा बिरद'-बाद'यै बिफांआव
रंजादोँमोन बिसोर गोसो खुसियाव
गोसोआव हरखाब फैयो आंहा
अब्ला दुंहाब्बाय देहायाव सान्दुंआ
रैसुमैनि खौरांआ बिरबोयो
गलिना गोरबोआव सानहोयो
मिथिँगानि बिफां-लाइफांफोरा
दाउसिन-दाउला देँखो बोनायफोरा
लिरनो होयो बोलो आखायखौ
सुजुयो आं खुसियै दोँसे खन्थाइ
अनजालि रैसुमैखौ लानानै
गोरबोआव आंगो मिजिँ लानानै
सानबायो जिउआव हान्थिनो
फोरमायो खन्थाइजोँ देरा लुनो।
Bu şiiri puanla
Henüz puan verilmemiş