सम सम आं खुद्रियो

एके-47 एल एम जि सिखाव दाखाथि पुलिस सि आर पि आरो बुहुत नुवागारानो खोनाब्लानो थोर थोर जोबोद गियोमोन आं। मोसा लख्रा सिंह जिबौ लेवार बेलाव मुलि बिजि आरो सु खोनाब्लानो नुब्लानो जोबोद गियोमोन आं। दाबो गियो गोदानै जायखौ नुफेराखै नुनो मोनाखै गड-आल्ला-बगभान गसाइ-अबंलावरि बाथौ बोरायखौ। आं गियो जोबोद गियो -माब्लाबा आंखौ लाना थांब्ला! -माब्लाबा आंखौ बुथारब्ला! बियोथ' आंखौ सिगियो- बारहुंखा जानानै दैबाना जानानै बांग्रिँ जानानै थिँ थिँ सान्दुं जानानै आरोबाव माबा माबि..... आंनि आबौखौ बुथारबाय बियो आंनि आबैखौबो बुथारबाय बियो आंनि आफाखौ बोराय होबाय बियो आंनि आयखौबो बुरै होबाय बियो आरो आंखौबो सम सम सिमां नुहोबाय बेखायनो- आं सम सम खुद्रियो! !