साननि मोखां नागिरनाय

जोबोद खोमसि दरसियाव थांखि फारसे दावबायदोँ आं, साननि मोखां नागिरनानै बिबार गेवलांनाय दाउसिननि मेथाइयाव। समायना गेरेमसा बिफांनि सिङाव फैलाव उदां मोनसे फोथार। खोमसि खोमसि गुदु अरनाव मोसा लोगो मोनबाय आं, लैथो लैथोमायाव गोलेर लोगो मोनबाय लेवार सु-सुज्राय एरायबोनांबाय। सोरांनोसै दाउज्ला गेसेरथारनोसै। अरन हाग्रा उरसि उरसि सोरां सान मोखाङारि जानानै सफैबाय आं सोरांसि समाव। बे बिदिन्थायाव आं लुबैयो बारदै सिख्लानि बागुरुम्बा मोसानाय, आं नागिरो दाउनि रैसुमै मेथाइ आरो हास्थायो दावहारुनि होज्रिख्रावनाय। आसारनि दुब्लियाव मायआ थायख्रिबाय जाख्रिसे गोगो अखा नांगौ दिनै, सानजानि हांसो सिलारिनि गांखंजोँ थांना थानायनि आंखाल सुफुंनो।