सोरां गांहाबनाय जिउ

सान आरो सान गोबां सान थाङो हर आरो हर गोबां हर थाङो थेवबो सोरांआ फैमाराखै बेयो खोमसि खोमसिमोन बेसेबांबा दिनै मेथाइ रोजाबनि सानजानि सोरांआव बिमानि रावजों थिखोनानै लागोन सिमां गावनि फाफ्लियाव गोदान मेथाइनि गोरबोजों। बारलांगोन हाजो-हाला गोबां फोलावबाय दिनै आथिंखौबो बेखायनो लैथोमा सानस्रिनो बारग्लांगोन बिबार मुलुग बिखायाव। बारनि उदां आखायजों बिलिरनो सानदों मुलुगखौ गुरैयै। सानजानि सोरां रोदाबादि गोबानो सानदों दानदिसे दिनै बयखौबो। आं सोरां लुफाव लुफावनानै न'फारसे थांफिननो सानदों खुसियै जेरै बयबो उदां हाबिलाजों सोमखोर अख्रांआव गां फुवारो दाउसिनफोरबादि।